BSI Padling

I år tek vi opp att tradisjonen med luksustur på slutten av sesongen. Vi har reservert to rorbuer hjå Kvalheim Fritid på Radøy. Rorbuene ligg i vannkanten og er fullt utstyrt. Dei har til og med boblebad på terrassen! I området er det mogelegheiter for padleturar på alle nivå. les mer…

Etter stort påtrykk frå dei som ikkje fekk med seg turen til Slåtterøy i fjor, arrangerer vi også i år tur til denne perla i Sunnhordland.

Vi køyrer til Fitjar fredagen, og padlar ein times tid før vi finn oss ein passande leirstad.

Laurdagen snik vi oss utover mellom øyene til vi finn oss ein fin stad å gå i land for lunsj. Siste stopp før Slåtterøy vert Brandasund, der vi kan kjøpe is og proviantere. På Slåtterøy (evt naboøya Slottet) slår vi opp telta og lagar oss middag på ei klippe over havet før vi tenner leirbålet. Overnatting under open himmel, telta er der berre i tilfelle.

Sundagen surfar vi tilbake på dønningane innover Selbjørnsfjorden og et sørlandskompe på ferja på veg heimover.

Ta ein kikk her for bilete frå fjorårets tur: http://www.flickr.com/photos/drbergen/sets/72157624099654349/

Har du lyst å vere med? Send ein e-post til Michael med følgjande informasjon:

Namn:
Telefonnummer:
Har du eigen kajakk:
Har du bil med mogelegheit til å ha kajakkar på taket:
Kan du ta kajakktilhengaren på bilen:

I fjor var Lidun Hareide på padletur i Middelhavet med Terra Santa Kayak Expeditions. Der knytte ho gode kontaktar, og i år har vi fått eit spesialtilbod om guida padling i Hellas.

Dette vert ein tur berre for medlemmer i BSI Padling, og prisen er redusert med €100 i forhold til ordinær pris.

Tidspunkt: 4. til 11. september
Pris: €790
Påmeldingsfrist: 1. juni 2011
Krav til deltakarar: Teknikkurs eller over (meld deg på kurs i vår!)

Ved påmelding betalar ein eit depositum på €100 til arrangøren. Resterande beløp kan betalast med bankoverføring eller kontant når ein kjem til Hellas. Prisen inkluderer leige av kajakk med utstyr (NDK kajakkar, Werner årer osv) og guiding. Guide vil vere Omer Singer, BCU Instructor. Reise, mat og overnatting kjem i tillegg. Det vert mogeleg å overnatte i telt og koke mat sjølv, men ein kan også overnatte og/eller ete på tavernas dersom ein ønskjer det.

Deltakarane må sjølv bestille fly til Rhodos og avtale transport vidare med arrangøren. Fleire charterselskap har flygingar til Rhodos dei aktuelle datoane.

BSI Padling er ikkje arrangør for denne turen og har ikkje noko økonomisk eller tryggleiksmessig ansvar, men vidareformidlar tilbodet frå Terra Santa Kayak Expeditions. Dei som vil reise bør sjølv kommunisere seg imellom om reise osv, bruk gjerne forumet.

Interesserte kan kome med spørsmål til Lidun på lidun@online.no eller melde seg på michael.storebo@gmail.com.